Centro Multidisciplinario

Bureau Centro Multidisciplinario (MdC) ta brinda su servicio primario na e sector di enseñansa, sinembrago tambe na publico na bienestar di e grupo obhetivo di hende hoben den e grupo di edad di 3-18 aña, personal den enseñansa y di personal di apoyo den enseñansa, mayor y cuidadornan.

E departamento MdC ta un departamento di gobierno di Aruba. MdC tin un Centro di Experticio y un Teacher Care.

Ban combersa, asina nos ta practica, sin nos mes ta ripara!"

E obhetivo prinicpal di MdC ta pa brinda ayudo specialisa na hoben den e grupo di edad di 3-18 aña, cu tin problema specifico riba area di siña, comportacion, habla y idioma y na unda nan desaroyo di enseñansa ta stagna y pa brinda apoyo y guia psicologico na personal den enseñansa y personal di apoyo den enseñansa.

Mision

Ofreciendo ayudo multidisciplinario y sosten specialisa pa di e forma aki mehora e funcionamento y desaroyo di tur envolvi den enseñansa.

Vision

Cu un maneho integral di forma profesional y eficaz, ta ofrece ayudo na alumnonan den enseñansa primario y secundario, nan mayornan/cuidadornan y tur envolvi den enseñansa.

“Bo yiu ta keda pega/atras den su desaroyo na scol? Bo yiu tin problema di comunicacion of e tin problemanan na scol cu ta influencia su proceso di siñamento? 

E Centro di Experticio di MdC por tin e respuestanan y e ayudo pa bo.”

Centro di Experticio 

Bureau Centro Multidisciplinario (MdC) ta brinda cu servicio primario na e sector di enseñansa, sinembrago tambe na publico na bienestar di e grupo obhetivo di hende hoben den e grupo di edad di 3-18 aña, personal den enseñansa y di personal di apoyo den enseñansa, mayor y cuidadornan.
E departamento MdC ta un departamento di gobierno di Aruba. MdC tin un Centro di Experticio y un Teacher Care.

E Centro di Experticio ta duna e siguiente servicionan:

Diagnostico (psicologico, didactico, logopedico y psico-motorico).

Ayudo (problemenan di communicacion, problemanan di siña, comportacion y problemanan psico-motorico).

Conseho (p.e. prolongacion di aña escolar preparatorio; conseho pa atende problemanan na cas y na scol; conseho pa enseñansa special, declaracion di trastrono di siña; tips).

Pa registra bo(so) yiu por sigui e siguiente pasonan:

1
Hunto cu scol ta yena e formulario di registracion & formulario di permiso.
2
Si tin relatonan of documentonan relevante (p.e. copia di investigacion psicologico of logopedico of relato di specialista) por entrega esaki na scol.
3
E scol ta entrega tur e documentonan menciona y documentonan necesario di parti di scol na MdC.
Haci un cita telefonico cu e trahado di admision of pasa oficina di MdC pa traha e cita.
E trahado di admision lo informa bo tocante cua documentonan ta necesario pa haci e registracion (p.e. relatonan di investigacion haci).
Despues lo sigui un combersacion na e edificio di MdC unda lo yena e formulario di registracion.

E registracion ta pasa door di un revision

Na momento cu MdC ricibi e pakete di registracion, ta traha un dossier cu despues ta pasa den un revision. E trahado di admision ta repasa e dossier extensamente y ta haci un evaluacion si e yiu lo por haya e yudansa adecua na MdC. Si esaki ta e caso lo traha un cita pa un combersacion hunto cu e scol door di e professional(nan) cu ta necesario. Si en caso e registracion no ta al caso, scol of e trahado di admision lo informa bo persona di esaki. Banda di esaki MdC lo presenta e opcionnan pa ayudo.

Kico por spera

Durante e combersacion di intake, e profesional hunto cu bo(so) y e scol lo purba haya un bista mas completo di e situacion di e yiu. Esey kiermen cu lo pone den perspectiva e pregunta di ayudo, e problema, informacion adicional y bo(so) anhelonan pa cambio den e situacion.

Prome of despues di e combersacion lo por puntra bo(so) pa yena algun formulario di pregunta. E preguntanan ta toca e.o. e desaroyo social-emocional, actitud di trabou, nivel di lesamento/matematica, desaroyo di habla y idioma.

Tumando na cuenta tur e informacion cu a ricibi, MdC por dicidi di haci algun investigacion adicional pa haya un bista completo di e situacion pa por duna e ayudo mas apropia. Aki por pensa riba un investigacion psicologico, un investigacion na problemanan/trastorno specifico di siñamento, un investigacion logopedico, un investigacion psico-motorico incluso un observacion di e yiu den klas na scol.

E profesional di MdC lo splica den detaye kico e situacion di e yiu ta, e lo presenta e posibilidadnan di yudansa cu por brinda y lo duna sugerencianan practico. Despues di esaki e lo informa kico e siguiente pasonan lo bay ta.

Na final di e trajecto y durante un combersacion final lo otorga un relato cu ta encera informacion di combersacion(nan) teni, e resultadonan di investigacion(nan) y e conseho.

BUREAU MULTIDISCIPLINAIR CENTRUM

Het Bureau Multidisciplinair Centrum (MdC) verleent haar diensten primair aan de sector onderwijs echter ook aan publiek ten behoeve van de uiteindelijke doelgroep jongeren in de leeftijdsgroep 3-18 jaar, onderwijzend- en ondersteunend personeel, en ouders en verzorgers.

Het MdC is een bureau binnen de Arubaanse overheid en bestaat uit een Expertisecentrum en Teacher Care.

De hoofddoelstelling van het MdC is om specialistische hulp te bieden aan jongeren, tussen de leeftijdsgroep van 3-18 jaar met specifieke leer- en/of gedragsproblemen waarvan hun onderwijsontwikkeling gestagneerd is en psychologische ondersteuning en begeleiding te bieden aan onderwijzend- en ondersteunend personeel.

Missie

Het bieden van specialistische multidisciplinaire hulp en ondersteuning ter bevordering van het functioneren en de ontwikkeling aan alle betrokkenen in het onderwijs.

Visie

Professionele en efficiente hulp bieden aan leerlingen in het primair en secundair onderwijs, hun ouders/verzorgers en al het betrokken personeel in het onderwijs middels een integraal beleid.

Powered by | Qwihi

© Copyright 2023 MDC